(London-HNW) Waxaa maanta ka dhacay magaalada Birmingham oo ah caasimadda labaad ee dalka Ingiriiska, shir ballaadhan oo lagu soo dhaweynaayay madax ka socotay urur siyaasadeedka Rays oo kamid ah Lixda urur ee usoo baxay inay ka qayb qaataan tartanka doorashooyinka degaanka, masuuliyintan oo kala ahaa Guddoomiye Ku-xigeenka ururka Aadan Axmed Cilmi (Dhoolayare) iyo Guddoomiyaha golaha dhexe ahna afhayeenka Xisbiga Khaliif Maxamed Warsame (Khaliif Xinwaal). Shirkan oo ay ka soo qaybgaleen badi jaaliyada Somaliland ee magaaladda Birmingham, soo dhaweyntan masuuliyinta ururka Rays ayaa qaybtii hore lagu sooray qado sharaf losii diyaariyay, markii qadadii loogu tallo galay dhammaatay ayaa si
toosa loo bilaabay is xogwaraysi.
Ugu horeyn waxaa shirka furay guddoomiyaha ururka Rays ee magaalada Birmingham, Faarax Maxamed Qasaali, wuxuuna ka waramay hawlaha ururka Rays ee laanta Birmingham siday bulsada magaaladu u leedahay xidhiidhka dhaw. Sidoo kale wuxuu ku soo dhaweeyay masuuliyinta socdaalka ku jooga magaaladda Birmingham iyo Gobolka West Midland-ka. Guddoomiyaha golaha dhexe ee urruka Rays Khaliif Xinwaal oo sina halkaas ka hadlay ayaa ka shekeeyay maraxilkii uu soo maray ururka Rays, sidii uu uga soo qayb qaatay wareegi hore ee tijaabada ahaa iyo halka uu hadda taaganyahay, sidoo kale wuxuu Mud: Khaliif Xinwaal ka dhawaajiyay duruufaha hadda uu ku suganyahay waddanka Somalailand, isagoo xusay in Xukuumadda uu hoggaamiyo Axmed Silaanyo la xusi karo waxbadan oo ay qabatay, ku waas oo hadda muuqda isla markaana ay dhimanyihiin wax yaabo badani. Wuxuu ku dheeraaday muhiimada ay leedahay isku duubnaanto, isagoo sharxay in tartanku yahay mid walaltinimo balse aanu ahayn in lays necebyahay.
Guddoomiye Ku-xigeenka ururka Rays Iyo Guddoomiyaha golaha Dhexe Ahna Afhayeenka ururka Khaliif Xinwaal oo ah masuuliyinta booqashada ku yimi Birmingham |