Waxaan marka hore salaamayaa hadhwanaagnews iyo shaqaalaheeda,kuna ammaanayaa shaqada fiican ee ay u
hayaan dalka iyo dadka reer somaliland.haddaan usoo noqdo dulucda qormadeydan maanta,waxaan aad iyo aad
ula yaaba nahay siday u socoto siyaasadda xukuumaddan siilaanyo,ee ku wajahan waxay ugu yeedheen wada
hadalka lala galayo koonfur.waxaan qabaa inay xukuumaddani ku saxan tahay inay ka leexato jidkii khaldanaa
ee labaatanka  sannadood ay somaliland jafaysay,ee ay ictiraafka ku raadinaysay.adduunkuna wuxuu mar walba
innagu odhan jiray,ordoo koonfur idiin markii horeba ku biiraye,immikan soo wada hadla oo war cad noola kaalaya.
markaa ma xuma in koonfur la wada hadlo,oo laga wada hadlo sidii loo kala bixi lahaa oo qudha,laakiinse waxaa
shaki weyn leh sida ay xukuumaddan siilaanyo wax ku waddo.waxaa muuqda inay durba si fudud ugu dhex milmeen
kooxihii

koonfur isku haystay,iyo in aanay ka run sheegin wuxuu qorshahoodu yahayba.waxaynu durba arkaynaa
inay la mid noqdeen puntland iyo galmudug,oo ay been cad dadka u sheegayaan.markaa waxaan odhan lahaa
waar dadka beenta ha laga daayo,oo xukuumaddan siilaanyo si cad ha usoo bandhigto waxay koonfur kula
hadlayso,iyo siday ula hadlaysaba.waxay ahayd in haddii shirarka koonfurta la tagayo in si wadajir ah loo tago,
oo guddi ka kooban dhammaan golayaasha ay meesha tagaan,si aan shakiba u iman.inankan yar ee la ambaday
siyaasaddii arrimaha dibadda ee somaliland,ee kolba diyaarad sii saaran,waa in lasoo hor fadhiisiyaa golaha
guurtida hortiisa,oo su´aalo laga weydiiyaa wuxuu qabto iyo siduu u shaqeeyaba.waa ninka maalin dhoweyd
berbera ka soo degay,ee habeenkii berbera u hoyday,isla maalintii dambena diyaarad kale raacay.
miisaaniyadda wasaaradda arrimaha dibaddu waxay ku boqolkiiba boqol ku baxdaa tigidhada uu inaankaa
yari ku dalxiisayo.markaa waxaan leeyahay ma xuma in koonfur lala hadlo,waxaase khaldan sida loola
hadlayo,iyo qorshaha qarsoon ee ay xukuumaddan siilaanyo wax ku waddo.shaki weyn bay leedahay
siday hadda wax u wadaan,khaladaad waa weynna si fudud bay u galayaan,maandheedkii la siiyeyna
wey ka leexdeen,jid khaldan oo u qarsoonaa baanay cagta saareen.markaa waa inay xukuumaddu si
cad dadka ugu caddeysaa waxay waddo iyo siday wax u waddo,iyo halkay ku socotoba.
hadda shaki weyn bay leedahay siday wax u wadaan,wixii lagu xamanayeyna waxbaa ka soo baxay.
midda kale waxaan qabaa in labadii shir ee ay xukuumaddu ka qayb gashay,in labadaba wixii laga
filayey aanay ka soo bixin,wax aan jirinna kolba la innagu maaweelinayo.
 
  Rashid sheikhmohamed
Allaa mahadle.
abusharaf96@hotmail.com