Adis-ababa(HWN):-Wefti uu hogaaminayo guddoomiye kuxigeenka 2aad ee Golaha Wakiilada Somaliland Md Ali Yusuf Ahmed iyo Gudoomiyeyaasha guddi-hoosaadyada Golaha Wakiillada oo dhan ayaa waxay ku bogaadiyeen Madaxweynaha Dawlad deegaanka Kilalka Shanaad ee dalka Ethiopia Cabdi Maxamuud Cabdi, kadib markii uu maalintii sabtida cafis u fidiyey 43 qof oo ku xidhnaa Jeelka Magaalada Jigjiga ee dalka Ethiopia.
 |
| Cali Aw Yuusuf |
Weftigan oo ka kooban sideed xubnood ayaa waxay safar shaqo ku joogeen maalimihii la soo
dhaafey Magaalo madaxda dalka Ethiopia ee Adis-ababa.isla markaana waxay kulamo la yeesheen muddadii ay halkaasi joogeen Barlamaanka dalka Ethiopia, waxaanay halkaasi ku galeen aqoon-siweydaarsi ku saabsan sida ay guddi-hoosaadyadu u shaqeeyaan iyo xoojinta xidhiidhka ka dhaxeeya labada Baarlamaan ee Somaliland Iyo Ethiopia.
Waxa ay weftigan wada-halo dhex mareen Madaxweynaha dawlad deegaanka Soomaalida Ethiopia ee kililka shanaad Cabdi Maxamuud Cabdi ka hor intii aanu cafiska u fidinin dhowr iyo afartameeyaha ku xidhnaa jeelka Jigjiga, wakhtigaas oo uu shaqo u joogay Adis-ababa. Waxaanay Weftigu kala hadleen arrimo dhawr ah oo ay ka mid tahay arrinta Maxaabiista xidhnayd ee ahayd 43 qof.
Madaxweyne Cabdi Maxamuud Cumar waxa uu si fiican u soo dhaweyey weftigan ka socday barlmaanka Somaliland, isaga oo u sameeyey casho-sharaf, lagu qabtey Hotel-ka Harmoney ee Magaalada Adis-abab waxa madaxweynaha ku wehehlinaya casho-sharafta Wasiirkiisa jidadka Khadar Dheere iyo Afhayeenka Xisbiga dawlad deegaanka Soomaalida Ethiopia.
Sidoo kale, waxa uu Madaxweynaha dawlad deegaanka Soomaalida Ethiopia ee Kililka Shanaad Cabdi Maxamduud Cabdi waxa uu marti-qaad ugu fidiyay Weftiga barlamaanka Somaliland ka socda magaalada jijiga, kadib marka ay ka soo noqdaan Magaalada Adis-baba oo ay ku sugan yihiin, waxaanu madaxweynuhu sheegay inuu kulan intan ka balaadhan uu la yeelan doono, kas oo ka dhici doona magaalada Jijiga.
Hadhwanaagnews/Office
Adis-ababa/Ethiopia