sidaynu la wada socono waxaa buurta daalo ee gobolka sanaag shir balaadhan uga socdaa beelaha habar yoonis shirkaas oo lagu qiyaasay inuu lamid yahay kii ugu danbeeyay ee ka qabsooma mudo hada laga joogo 50 sano magaalada khaatumo oo kutaal xuduuda ethopiya la leedahay somaliland shirkan oo lagaga tashanayo aayaha iyo mustaqbalka iyo horumarinta deegaanada ay beeshu degto shirkan oo lafilayo inay ka soo baxaan wax badan oo anfaca dhaam mushtamaca reer somaliland gaar ahaan beesha shirka qabsatay iyo deegaanada ay ka soo jeedaan,
 
hadaba waxaa isway diin mudanan mar hadii ay beeshu qabsatay mudo laga joogo 50 sano shirwaynaheedii ugu miisaanka cuslaa maxaa kelifay inay ka maqnaadaan oo laga dhex arki

waayo laba suldaan oo iyagu inta badan jeclaa marka magaca beesha lagu hadlayo inay ka dhex muuqdaan saxaafada ama ay iyagu wakiil ka yihiin cida ku hadli karta magaca beesha?
 
hadaynu wax yar dib ugu noqono dhinaca dhaqanka iyo doorkii jaran jaro ee ay soo martay saldalada beelaha habar yoonis waxay ka soo bilaabantahay ilaahay haw naxariistee suladaan diiriye sugule caynaashe oo isagu ahaa suladaankii ugu horeyay ee loo cumaamaday saldalada beelaha habar yoonis waxaanu noqday intii uu hogaanka hayay shuldaankii ugu cadaalada sareeyay uguna dusha fiicnaa ugu wax garadsanaa waxa uu habar yoonis u sameeyay xeer uu ku soo simay nin ka sagaaro dabin u xidha ee ay ugasho qofka dabinkaas kala baxa sagaarada waxaa ka xukuna inuu sabeen adhiya baxsho oo magdhow looga qaado! waxay ka midtahay xeerka habar yoonis ee suladaan diiriye sameeyay, waa suladaanka soo saaray habar yoonis waxay leedahay go,aanka aniga oo suladaan diiriye ahina waxaan leeyahay gudoonka oo wixii aad ku tashataan ayuun baan idiin gudoominayaa ee go,aanka idinka ayaa iska leh halka maanta salaadiinta jirtaa ay u qaateen inay iyaga wax waliba ka go,aan,
 
wixii ka danbeeyay suldaan diiriye marba jaran jaro ayay soo maraysay saldalada beelaha habar yoonis ilaa ay gaadhay in tirada ay yihiin iska daaye aanay cidina aqoon ulahayn magacyadooda iyo tirakoob kooda guud umad kastana marka tafaraaruqa lagu ridayo waxaa ka xumaada cida hogaanka markaas u ah oo ilaahay SWT ka qaadaa barakada kadib waxaa ku dhaca khilaaf iyo talada oo ka baahda ileen taladii urur sanayd ee qofka keliya ka soo baxaysay ayaa waxay ku baah daa dad faro badan oo markaas talo iyo aqoontoona ehel u ahayn markaasaa khilaaf yimaadaa oo cid la dhegaysto lawaayaa ilaahay haynaga badbaadshee aamiin,
 
hadaba waxaa maanta shirka beelaha habar yoonis aan ka dhex muuqan laba suladaan waa suldaan cismaan suladaan cali suladaan madar iyo suladaan xiiray iyo qaar lamida oo ah kuwa dhawaan ismaga caabay oo aanay cidina caleemasaarin oo ay had iyo goor is xulufaysan jireen oo magaca reerka waxay uqabtaan daaye meel walba magac xumo lataagnaa waayo waxay noqdeen niman intay kabaxeen xuduudii dhaqanka siyaasada ku milamay oo marba wasiirka reerka kadhashay ee siyaasada ku jiraa ku shaqaysto oo magaca reerka markuu dan ka leeyahay shaanbada kaga dhufsada kadibna sidii hangoolkii guriga lagu oodijiray markuu muraad kiisa ku fushado meel isaga tuura,
 
nimankaas salaadiinta ah nasiib darada maanta haysataa waxa weeye beeshii ay magacooda ku shaqaysan jireena shir balaadhan ayay madasha daalo u gibrantahay waana shaygii qudha ahaa ee qof hogaan dhaqana ku sifoobay uu ahaa inuu ka qayb qaato iyagiina waxaa ku dhacay nimankii wasiirada ahaa ee markii hore dhabarka soo taabtaya markay arkeen in aanu shirkani sinaba isu taagayn oo uu qabsoomayo ayay farsamo fiican oo isdaad raacina la yimaadeen oo shirkii ka qayb galeen si aanay beesha kalsoonideeda u waayin qolyihii salaadiinta ahaa ee ay magaca ka kharibeena weji ay beeshii la hor yimaadaan garan waayeen! taasina waxay ku tusay saa inaan qof siyaasiya oo isagu kursigiisa ku dalagaalamaya ama ilaashanaya aan laysku halayn siyaasaduna ay sida dabaysha isu bed bedesho qof hogaan dhaqan sheeganayaana ay ku wacan tahay inuu ka fogaado waayo waadigaa arka inay iyagii beeshoodii ka falaagoobeen,
 
bal u fiirso boqor simaan buur madow waakaas jeelka ugu jira ereyo siyaasadeed oo uu ku aflagaadeeyay siilanyo oo uu jeelka u galay waayo haduu ku ekaan lahaa hogaanka dhaqanka oo aanu ku dhex milmi lahayn siyaasada cidina may xidheen sharaf tiisa ayuu banaanka la joogi lahaa haybadiisana uu yeelan lahaa waxaa karaamadii ka qaaday waa siyaasadaas uu u xuubsiibtay, ma aha inaan leeyahay waxa lagu xidhay waa sharci lakiin marka horeba isagu ma uu ahayn hogaamiye xisbi mucaarid oo looga baahan yahay inuu xukuumada dhaliisheeda toosiyo, mana uu ahayn qof siyaasda ku soo jiray oo shaqadeeda yaqaan waxaana la yidhi siyaasaadu waa wasakh oo markeeda horeba qofka gelayaa waxa uu u badheedhayaa inay wax waliba ka soo gaadhaan sida xadhig, cay iyo aflagaado iyo dil ba intaba way keentaa markaas marka horeba qof umad magaceed sita oo loo igmaday inuu hogaan nabad gelyo noqdo mooyee ma haboona inuu cumaamadii reerka ku dhex milo siyaasad aanu aqoonteedii lahayn somalidu waxay tidhaah riyuhu shabeelka lugtooda ayay ku raad sadaan! waxaan ku soo xidhayaa qormadan qofkii  soo joog laga waayo soo jiif ayaa laga helaa!.
 
aadan axmed nuur
 
Dublin Ireland