Raisul Wasaare Ku Xigeenka Turkiga iyo Wafdi Balaaran oo uu Hogaaminayo oo Maanta Muqdisho Si Weyn Loogo Soo Dhaweeyay.

(Hadhwanaagnews) Tuesday, July 17, 2012
Muqdisho-(HWN)- Waxaa maanta caasimada dalka Soomaaliya ee Muqdisho lagu soo dhaweeyay wafdi balaaran oo uu hogaminayo

Muqdisho-(HWN)- Waxaa maanta caasimada dalka Soomaaliya ee Muqdisho lagu soo dhaweeyay wafdi balaaran oo uu hogaminayo Raisul wasaare ku xigeenka dalka Turkiga Bekir Bosdag kaasi oo ka soo dagay garoonka diyaaradaha e Aadan Cabdulle Cismaan aadan cade.

Wafdigaan markii ay garoonka Muqdisho ka soo dageen waxaa si weyn ugu soo dhaweeyay madax sar sare oo kamid ah dowlada Soomaaliya waxaana intaasi kadib loo gudbiyay xarunta Madaxtooyada ee Villa Soomaaliya.

Raisul wasaare ku Xigeenka Turkiga Bekir Bosdag ayaa

isla maanta dhagax dhigay mashruuca Saadaasha Hawada oo loogu talagalay Garoonka Diyaaradaha ee magaalada Muqdisho.

Bekir Bosdag iyo Raisul Wasaare Gaas oo dadka soo dhaweynayay kamid ahaa ayaa Raisul wasaare ku xigeenka dalka Turkiga Saxaafada kula hadlay garoonka diyaaradaha ee magaalada Muqdisho isagoona sheegay in uu aad ugu faraxsan yahay in uu maanta mar kale Muqdisho soo gaaro.

Mas uulkaan sare ayaa daboolka ka qaaday in dhawaan ay dalka Turkiga geyn doonaan ilaa iyo 500 oo arday ah kuwaasi oo soo dhameystay jaamacadaha magaalada Muqdisho waxaana uu sidoo kale sheegay in ay hor marin ku sameyn doonan mashaaariicda ay Soomaaliya kawadaan.

Xasan Kuuriya

Hadhwanaagnews/Office Muqdisho

kuuriya@hadhwanaag.org

Friendly Link

– Afnugaal.com – Afrodigg.com – Aftahan.org – Alhidaaya.info – Alimuse.com – Allaybaday.com – Awdalnews.com – Baligubadle.com – Batalale.com – Berberanews.com – Qarannews. – somalidiasporanews.com/ – SomaliPC – togaherer – www.aminarts.com –