War Degdeg ah: Fannaanadii Saado Cali warsame oo  koomo ku jirta kadib Dhaawac halis ah oo ka soo Gaadhay Shil baabuur iyadoo Maanta  Gaadhay Magaalada Garowe.

Fannaanada Saado cali warsame oo maanta gaadhay caasimada Maamul goboleedka PUNTLAND ee garoowe ayaa saacadihii u danbeeyey ku jirtey Koomo kadib markii Baabuur ay la socotay uu la dhacay, kaasoo oo kula dhacay meel an ka fogeyn magaalada Garoowe, fannaanadan oo muddooyinkii u danbeeyey u ban baxday arrimo qabyaaladaysan iyo kicin Dadweyne iyo weliba iska hor keenka Bulsho walaalo ah oo isku degaan ah, aya la sheegay in ay

ka soo degtay garoonka diyaaradaha ee magaalada Gaalkacyo ee maamulka galmudug.

Isla markii uu gaadhigu la dhacay ayaa Dadka badan kiisu isla dhex marayeen magaalada Garoowe in saado cali warsame geeriyootay, balse dhakhaatiirtii gacanta kuhaysay dhaawaca saado cali, ayaa xaqiijiyey inay weli nooshahay oo aanay geeriyoon, wallow ay warbaahinta qaar ka mid ahi weli qorayaan inay saado cali warsame ku geeriyootay garowe.

Dhakhaatiirtu waxay sheegtay in xaaladda saado cali warsame aay  aad u culustahay, Goobjoogayaal ku sugan garowe ayaa sheegaya in dadweynuhu weli u haystaan in saado ay shilkaas ku geeriyootay welina ay rumaysan la’yihiin xaqiijinta cusub ee dhakhaatiirta, maadaama markii hore ay dhakhaatiirtu sheegeen inay geeriyootay.

Lama sheegin dad kale oo la dhaawacmay fannaanada marka laga reebo Darawalkii gaadhiga ay la socotay.

Xaaladda Saado cali warsame kala soco Hadhwanaagnews .

Garowe/ Puntland