Waxanay haatan taaktaagan yihiin ka soo horjeedka Xerada weyn ee dadka magangalya doonka ah ee Ter Apel ee dalkan nederland iyagoo mudahraadaya.

Laba weeg ka hor guddi loo xilsaaray in ay la taliyaan wasiiradaha iyo sharci dajinta dalka Nederland aya ugu baaqay wasiirka socdaalka Holland Gerd Leers in aanu soomaalida magan-galyo doonka ah jeelasha (xabsiyada )lagu sii hayn karin Waxa sidoo kale lagula taliyay wasiirka socdaalka Nederland in aanu ku celin karin qaxootiga soomaalida ah Gobolada koonfurta Somalia gaar ahaan magaalda muqdisho oo aan

wali xasiloonayn

Dadkan oo dhammaantood soomaali ah ayay Dowlada Nederland  sharci iyo magangalyo u diiday.taas oo keentay in lagu hayo kaamam qaxooti oo ku meel gaadh ah si loogu celiyo Somalia ama dalalka Somalia la dariska ah sida Kenya  oo ay sheegeen in ay nabad tahay kuna noolaan karaan xeryaha ay soomaalidu qaxootiga ugu jiraan.

Soomaalida la soo celinayo ayaa la sheegay in ay tiradoodu dhantahay ilaa 80 ruux kuwaasi oo ka yimid Soomaaliya iyagoo soo galay ku soo galay Holland siyaabo kala duwan waxaanay magan gelyo waydiisteen xukuumada Holland ook u gacan saydhay codsigooda qaxootinimo.

Waxaana lagu xereeyey xeryaha iyo xabsiyada dadka la doonayo in lagu celiyo dalalakooda, waxa sidoo kale dhamaan loo sheegay in laga dejin doono Muqdisho.

Inkasta oo aanay jirin heshiis ay wada gaadheen Dowladda KMG Somalia iyo Nederland hadana ku xigeenka duqa magaalda Muqdisho Nuur Ikar oo isagu qudhiisu ahaan jiray Qaxooti soomaali ah oo dagan Holland oo u waramay Tvga RTL4ka dalka Nederland aya sheegay in muqdisho lagu soo celin karo qaxootiga Soomaaliyeed ee ku jira xeryaha qaxootiga ee Holland .

Dhankoodana waxa cabashooyin iyo qeylo dhaani  ka soo yeedhay Ururada u dooda Xuquuqaha Soomaalida Holland kuwaasi oo ka soo horjeeday in dib loogu celiyo qaxooti soomaali ah xiligan guud ahaan Soomaaliya iyo muqdishoba .

Magaalda Muqdisho aya lagu tilmaama sanadihi ugu dambeeyay goobaha addunka uga amniga daran taas oo ay dagaalo ba’ani u dhaxeeyaan xukumada ku meel gaadhka ah  oo ay ka barbar dagaalamaya Ciidamada nabad ilaalinta  Afrika  iyo Jabhada alshabaab ee ka dagaalanta dalka Somalia

Hadhwanaagnews/Nederland