London, (Hadhwanaag/W/Wararka):- Orodyahanka labada lugoodba go’an yihiin, ee Oscar Bstorius ayaa guul balaadhan ka soo hooyay, tartanka orodka afarta boqol ee mitir ka dib markii uu kaalinta labaad galay, sidaana ku noqday qofkii ugu horeeyay ee isaga oo luga la’ ku guulaysta kaalmaha ugu horeeya ee orodka caalamiga ah.

Orodyahanka curyaanka ah ee Bstorius oo dhalashadiisu tahay dalka Koonfur Afrika ayaa tartankii orodka afarta boqol ee mitir ku dhameeyay 45.04 seconds, waxaana isaga iyo orodyankii kaalinta koowaad galay ee Ugelan Santos, ay kala horeeyeen afartan ilbidhiqsi oo kaliya, waxaanu sidaa ku dhigay ninkani rikoodh iyo taariikh cusub.

Markii uu dhamaystay tartankaas ayaa isaga

oo aad u faraxsan waxa uu yidhi, “Garan kari maayo, waxaan sameeyo, miyaan ooyaa mise waan farxaa, isaga oo dhoola cadaynaya, isla markaana muujinaya sida ay shucuurtiisu u gaadhay meel aan la qiyaasi karin.”

Sidoo kale orodyahanka curyaanka ah ee Bstorius waxa uu si wayn ugu mahad naqay dhamaan dadkii taageeray, ee u sacabinayay intii uu ku guda jiray, orodka iyo dedaalka guusha uu soo hooyay, gaar ahaana waxa uu si gaar ah ugu mahadnaqay Ayeeydii oo uu farta ku fiiqay iyada oo dhex taagan daawadayaashii kala duwaana eek u sugnaa garoonka.

Faysal Maxamed Xasan

Hadhwanaag/office Hargeysa Somaliland

f.maxamed03@hotmail.com