Maansadii Basan-baas Abwaan Shevodinio Mohammed Ahmed "Mudiir"

Marka hore waxaan idiin soo dirayaa salaan qaali ah Bahda shabakadda Hadhwanaag-Media iyo Asxaabtayda sharafta badan ee Daafaha Adduunka ku sugan.

Silsiladdan basan-baas waa mid ay wadaaggeen Hal-abuurro Da´yar oo rabbi ku Manneystay curin hoddana iyo Aftahannimo aan la´dhaysan karin. waxay ka hadlayan waayaha saluugga badan ee loo yaqaanno "Immigrant Seek Asylum" soogallootiga billaa sharciga ee ku raadinaya magangalyo nololeed! ee ay ku sugan yihin Dhallinyarada iyo waayeel

Soomaaliyeed ee ku nool Qaaradda yurub gaar ahaan waddamada la isku

 yidhaahdo midowga yurub "European Union". waxa aan fursad u helay (2009-kii) ina aan Daahfuro silsiladdan qiimaha ku salaysan ee Basan-baas!

waxaa xusid iyo qaddarin mudan labada Maanso-yahaan ee dhadhanka iyo quruxda u sameeyay Silsiladda
Abwaan Cabdinaasir Axmed Muuse,
Abwaan Faysal Awcabdi Cambalaash. 

waxa aan ku billaabay sidan:

Ninka gabayga biirshiyo

Ninka bidhiiq sameeyaba
anigaa ka badiye E

Magacaygu Buug-shaabyaddu

baasha kaga yaalle

Barbarkaygana isma soo taagi karo

Bosh-caddo kale!

Naasirkii bilaan jiray
Murtidana bogsiin jiray
Baayjka hadalku lee yahay iyo
bunka aan wadaagna,

Beerraha libaaxaba 

hadduu bahal yari soo galo
Aarka bisleeye
Annaguna bayaankii 
Murti-maal baddiisiyo 
Baaxaddiisi baa nahay!

Bal maqal maansadayda Basan-baas

waa badweynto kale,

Berrita la baxayaa 

baagna waa la soo noqon
bacad iyo kulaaylba 

Bogga lagu hayaaye
Buubkeedu badana
Beledkiina  dheera,
Dadkii way bislaaden
marna way buseelen
waxay beerka ku hayaan
Xaggaad uga baxdaayoo
ku Baad-baaddi doonta!

Boqorkoo baad-baadsho
farahaa bidhaantood 
Biljaam iyo baraseelis
laga waayin Buuggaba
bartan way ku soo noqon
Bismillaahi mooyee,
 
Baashaal ciyaar iyo 

Qosol baa bay baratee 
Budhkii wuu dhammaadee
Bir baa la isla dhacayaa!

Yurubta la boodda
bartii aad istaagtan
baylahda ku badanoo
bilyan baad arkaysa
sidii buushi meel-yaal,

dadkii way basaasen 
sharci baa ka booddo
bidhaantiisa raadshaan,

Hablahi billaan jiray 
ee biligtoodu dheerayd
balwadaayste jiifaay
Basaboor kuu doonnaan,
inamadi boqolkiyo
soo jidhay bariyadda
Bartan markay yimaadden
Biinooyaddii la baal maray
Afka ay ku boobben!

Maxaa balaayo soo taal
u baasku weerarrey
Balaayada dhacaysana
Allahayoow na baal mari
Buubkiyo wareerkana
Bidhaantooda naga hay.

Waa bilaahi tawfiiq

Guddoomiyaha ururka S.y.n-Group

Shevodinio Mohammed Ahmed "Mudiir"

E-mail: shevodinio7707@gmail.com