´Arial Narrow´,´sans-serif´; mso-bidi-font-weight: bold">
Xafladdan lagu soo bandhigay musharraxnimada Maxamed Cali Sh. Cumar oo ka sharaxan urur siyaasadeedka Rays ayaa kaga duwanaa bandhigii musharixiintii hore isaga oo ku soo bandhigay fagaare aad u balaadhan oo ay iskugu yimaadeen badi taageerayaasha kala duwan ee musharraxu.
Musharrax Maxamed Cali ayaa ahaa musharrixii u dambeeyey ee ka sharaxan ururka Rays, isla markaana soo bandhiga musharraxnimadiisa.
Madasha uu musharraxu ku soo bandhigayey musharxnimadiisa ayaa waxa ugu horreyn ka hadlay Guddoomiyaha Dhalinyarada degmada Ibraahim Koodbuur Cabdiraxiim Axmed Ibraahim, waxaanu sheegay in ay dhalinyar ahaan yahay xildhibaanka ay wataan uu yahay musharraxan, isla markaana u heelan yihiin sidii ay u soo saari lahaayeen. ?Xildhibaan Cali Sh. Cumar waa xildhibaanka aanu wadano, isla markaana u diyaar nahay in aanu soo saarno si uu ugu guulaysto tartanka doorashada golayaasha deegaanka?.
Guddoomiyaha Gobolka Maroodi Jeex ee Urur siyaasadeedka Rays Cabdirisaaq Maxamed Xasan (Kildhi) oo isna halkaasi ka hadlay ayaa sheegay in ay wakhti badan ku qaadatay sidii uu musharraxan gacanta ugu soo dhigi lahaa si uu iskaga soo sharaxo doorashada goleyaasha Deegaanka.
Guddoomiyaha Urur siyaasadeedka Rays Xasan Gaafaadhi oo halkaasi hadal kooban ka jeediyey ayaa sheegay in uu si weyn ugu rajo weyn yahay in musharraxan ku soo baxo doorashada golaha deegaanka, waxaana hadaladiisii ka mid ahaa ?Haddii 25 musharrax ee urur siyaasadeedka Rays ka sharaxan aan is odhan lahaa cid baa ka soo baxaysa waxa aan ku rajo weynaha in musharraxani si balaadhan ugu soo bixi doono doorashada goleyaasha deegaanka haddii ALLE ka dhigo?.
Si kastaba ha ahaatee musharraxan ayaa noqonaya musharixii ugu horeeyey ee musharraxnimadiisa ku soo bandhiga goob fagaare ah.
Hadhwanaagnews.com/Office
Hargeysa/Somaliland