Maanta oo ay Taariikhdu Tahay October/6/2012 waxay ku beegan tahay maalintii la Aasaasay Urur Siyaasdeedka WADDANI taas oo Noqonaysa Sannad Guuradii koobaad ee WADDANI.
Sida aynu la wada socono Urur Siyaasadeed ka WADDANI waxa uu ahaa Urur Siyaasadeedkii loogu Hor diiwaangaliyey Ururada Hada dalka ka jira waxaanu si xawli ah isugu baahiyey Xafiisyana ka furtay dhamaan Gobolada iyo Dagmooyinka oo dhan sidoo kale waxa uu waddamada Dibada ka furtay laamaha ugu tirada badan.
FONT-SIZE: 14pt" lang=FI>Urur Siyaasadeedka WADDANI waxa uu ku Guulleystay dhamaystirka dhamaan shuruudihii looga baahna Urur Siyaasadeed si waafaqsan Xeerarka dalka u yaal.
Isla markaana waxa uu si xarago leh uga soo Gudbay Marxaladihii koobaad iyo labaad ee Ururnimo isagoo Galay kaalinta koobaad.
Urur Siyaasadeedka WADDANI isagoo u taagan Tartanka Doorashooyinka Goleyaasha Deegaanka soona Xulay Xubno Mug iyo Miisan leh oo Daacad u ah Qarankooda.
Mudadaas Sannadka ah Urur Siyaasadeedka WADDANI waxaa la midoobay ururo kale oo awoodbadan lahaa oo ay ka mid ahaayeen DALJIR, BADBAADO, HORYAAL iyo waliba Ashkhaas Siyaasiyiin Madaxbanaan oo dhamaantood maanta ka wada Tirsan Isbahaysiga Urur Siyaasadeedka WADDANI .
Urur Siyaasadeedka WADDANI isaga oo ugu Hambalyeynaya Farxadda sannad Guurada koobaad ee ka soo wareegtay Aasaaskiisa wuxuu Hambalyo u dirayaa dhamaan Aasaasayaasha Urur Siyaasadeedka WADDANI dhidibada u Taagay Gudo iyo Dibadaba Meelkasta oo ay joogaan sidoo kale waxaa hambalyo u dirayaa Taageerayaashiisa sida Hagar la?aanta ah isu garab taagay Ururka WADDANI.
Hambalyada iyo Mahadnaqa Xuska SannadGuurada Aasaaska urur Siyaasadeedka WADDANI ka dib waxaanu ugu baaqaynaa dhamaan Murashaxiinta golaha Deegaanka iyo Taageerayaashoodaba inay u guntadaan una diyaar Garoobaan sidii ay Guullo la taaban karo uga soo hoyn lahaayeen Doorashada Fooda inagu soo haysa Isla markaasna ilaaliyaan Anshaxa Doorashada iyo Nabad Galyada Qaranka.
Wabilaahi Towfiiq
Ibraahin Mahdi Buubaa.......................
Afhayeenka Urur Siyaasadeedka WADDANI