Hay?adda Wadaniga ah ee HAVAYOCO Oo Shahaadooyin Guddoonsiisay Arday Muddo Baranayay xirfado kala duwan

(Hadhwanaagnews) Thursday, October 11, 2012
Xafladan waxa soo qayb-galay Masuuliyiin ka socday Wasaarada Waxbarashada , Haayadaha Maal-galinaya Mashruucan, Haayada HAVAYOCO iyo marti sharaf kale .

Hargeysa (HWN) Xaflad shahaadooyin lagu guddoonsiinayey afartan arday oo xirfado kala duwan ka dhamaystay Haayada HAVAYOCO ayaa maanta lagu qabtay xarunta haayadaasi .

Xafladan waxa soo qayb-galay Masuuliyiin ka socday Wasaarada Waxbarashada , Haayadaha Maal-galinaya Mashruucan, Haayada HAVAYOCO iyo marti sharaf kale .

Ugu horayn waxa halkaasi ka hadlay Madaxa Mashruucan Ee Haayada HAVAYOCO Jimcaale Yuusuf Magan waxa uu ka waramay mashruucan oo uu ku tilmaamay in uu yahay mid loogu talo galay in lagu dhiiri-galiyo dhanliyarada isla markaana

loogu abuuro shaqooyin kala duwan , iyadoo mashruucan loogu talo galay in ay sannadkan ka baxaan arday dhan 210 arday oo ku kala sugan gobolada Maroodi-jeex iyo Awdal kuwaasi oo marka uu mashruucu dhamaado loo abuuri doono xirfado kala duwan sida Nijaarida, Dawaarada Iyo xirfado kale.

Gabagabdiina Mr Jimcaale Yuusuf Magan Waxa Uu U Mahadnaqay Haayada ADF oo Mashruucan Maalgalisay iyo Cid kasta oo gacan ka gaysatay Hirgalinta Mashruucan .

Waxa kale oo halkaasi iyana ka hadashay Sucaad C/laahi oo ka tirsan saraakiisha sar-sare ee haayada HAVAYOCO waxaana ay ka warantay qaabka ay u shaqayso haayada HAVAYOCO oo ay ku tilmaantay in aanay ahayn haayad dalka oo kaliya ka shaqaysa balse ay ka hawlgasho dalalka jaarka sida Somalia, Itoobiya iyo dalka Kenya oo xafiisyo kala duwan ay ku leeyihiin .

Sidoo kale hadalo kooban waxa halkaasi ka jeediyey Mr C/naasir Oo ka socday Haayada SOCA oo mashruucan u qaabilsanayd dhinaca kormeerka waxaana uu sheegay in u jeedada laga leeyahay Mashruucani ay tahay sidii shaqo loogu abuuri lahaa dhanliyarada iyadoo la badelo hab dhaqankoodii hore si ay mustaqbalka u soo saaraan Umad wax qabsan karta .

Dhinaca kale waxa halkaasi ka hadlay qaar ka mid ardaydii waxa ka baratay mashriuucan , qaar ka mid ah waalidiintoodii iyo masuul ka socday Shirkada Daryeel oo tababar siin jiraya qaybta Dhismaha Ee Mashruucan.

Gabagabadii waxa halkaasi ka hadlay Mr Jirde oo ka socday Wasaarada Waxbarashada Ee Somalailand waxaana uu aad ugu mahadceliyey Haayada HAVAYOCO oo uu sheegay in mashaariic shaqo loogu abuurayo dhanliyarada dallka ka wada gudaha dalka waxaana uu ardayda xirfadahan kala duwan dhamaysatay u soo jeediyey in ay noqdaan kuwo dalka ku anfaca xirfadihii la baray .

Hadhwanaagnews/Office

Hargeysa/Somaliland

Friendly Link

– Afnugaal.com – Afrodigg.com – Aftahan.org – Alhidaaya.info – Alimuse.com – Allaybaday.com – Awdalnews.com – Baligubadle.com – Batalale.com – Berberanews.com – Qarannews. – somalidiasporanews.com/ – SomaliPC – togaherer – www.aminarts.com –