Burco: Guddoomiyaha Urursiyaasadeedka XAQSOOR  iyo wefti Ballaadhan oo uu Hogaaminayo ayaa manta si ballaadhan loogu soo Dhoweeyey Magaalada Burco.

Boqolaal Gaadiid ah iyo Kumannaan Dadweyne ah oo ahaa Taageerayaashii Urursiyaasadeedka XAQSOOR ayaa manta si ballaadhan ugu soo dhoweeyey Weftigan uu hogaaminayey Guddomiyaha ururka XAQSOOR MUJ XASAN CIISE JAAMAC, iyadoo weftiga lagaga hortegey Deegaanka Qoyta oo ah Duleedka Magaalada Burco.

Kumannaan Dadweyne ah oo ka qaybqaadanayey Soo Dhoweynta weftiga Guddomiyaha XAQSOOR muj xasan ciise jaamac oo tubnaa hareeraha jidka dheer ee isku xidha,Qoyta, qudhac dheer illaa Burco ayaa Guddoomiyuhu

Salaan Iyo Sacab ka qaadanayey, waxaana uu Guddomiyuhu Dadweynahii iyo taageerayashii Tirada badnaa ee soo dhoweeyey kala hadlay Deegaanka Qudhac dheer oo ahayd halkii Dadka ugu badani ku soo dhoweeyeen, Waxa uu Guddoomiyuhu Taageerayaasha ururka XAQSOOR ee soo dhoweeyey uga mahadceliyey soo dhoweynta qiimaha iyo maamuuska badan leh ee ay ku so dhoweeyeen, waxa uu guddoomiyuhu sheegay inu aad ugu faraxsan yahay imaansha magaalada Burco oo uu sheegay in muddo aad u fog ugu danbaysay.

Guddoomiyuhu wuxu taageerayaashisau muujiyey rajo wanaagsan inu ku qabo inu ururkiisu soo baxayo una gudbayo saddexda Xisbi qaran.

Intaas kadib waxa Guddoomiyaha iyo weftigiisa loo gelbiyey dhinaca Gudaha magaalada Burco, waxaana lagu soo wareejiyey Jidadka waaweyn ee dhex mara magalada Burco, Iyadoo intaas kadib loo gelbiyey dhinaca Hotel cigaal ee magaalada Burco oo ay ku soo degeen weftigu.