deegaamadasi la hadlayaa uu sheegay inaan safarkoodani mid olole iyo mid siyaasadeed Toona balse uu yahay mid ay deegaamo badan ku marayaan uguna kuur gelayaan xaaladda deegaanadani.
Guddoomiyuhu wuxu sheegay in in badan la is weydiinayey waxa guddoomiyuhu u iman waayey deegaamadani, balse ay qorshaha ugu jirtey inu mar uun imaado, isagoo dhinaca kale xusay in ururkiisu noqon doono ka ugu horeeya saddexda xisbi qaran ee soo bixi doona, isago weliba mid mid u sheegay deegaamada uu soo maray.
Murashaxiinta urur siyaasadeedka RAYS ee Gobolada Togdheer iyo Saraar oo iyaguna halkaas ka hadlay ayaa sheegay inaanay noqon doonin markii ugu horeysay uguna danbaysay ee Booqdaan deegaanadani balse ay hiil iyo taageero ba uga baahan yihiin kuna soo noqon doonaan marar badan, iyagoo uga mahadceliyey soo dhoweynta ay deegaanadani kala kulmeen dadweyne deegaan kasta ku soodhoweeyey.
Odayaasha, iyo waxgaradka deegaanadaasi oo iyaguna halkaas ka hadlay ayaa weftiga uga maahadceliyey imaansha ay ku yimaadeen deegaanadani. Waxay u ballan qaadeen masuliyiinta iyo murashaxiinta ururka RAYS inay codkooda sin doonaan.
Waa Markii ugu horeysa ee wefti miisaankan leh oo ka socda urursiyaasadeedka RAYS ay hal mar booqasho iyo kormeer ku maraan deegaamo intan leeeg oo kamid ah gobolada Togdheer, saraar iyo Buuhoodle.
Mustafe Osman Magaalo (Mustafe Teacher)
Hadhwanaagnews Burco / Office
Hadhwanaagnewsburco@hotmail.com