Hargeysa(HWN):-wasiirka dhaqanka,ciyaaraha iyo dhalinyarada Somaliland Cali Siciid Raygal ayaa maanta gudoomay qalab dhinaca ciyaaraha ah oo loogu tala galay garsoorayaasha Somaliland.
Wasiirka dhaqanka,ciyaaraha iyo dhalinyarada Somaliland oo maanta qalabkan kula wareegay xarunta wasaaradiisa ayaa waxa soo gaadhsiiyey muwaadiniin reer Somaliland ah oo ku sugan wadanka Ingiriiska.
Agaasimaha guud ee wasaarada dhaqanka,ciyaaraha iyo dhalinyarada Somaliland Mustafe Maxamuud Qodax oo ugu horayn ka hadlay ayaa sheegay inay aad ugu mahad
naqayaan muwaadiiniinta soo gaadhsiiyey qalaban loogu tala galay garsoorayaasha Somaliland ee dhex dhexaadin doona tartanka ciyaaraha gobolada ee dhawaan ka dhici doona caasimada Hargeysa waxaanu yidhi ?waxa maanta wasaarada lagu wareejinayaa alaab wax ku ool ah taas oo ay soo direen muwaadiniinta reer Somaliland ee Cabdicasiis Cali iyo Jaamac Axmed olol oo ah dhalinyaro reer Somaliland ah oo ku sugan wadanka Ingiriiska, tiradoodu waxay tahay 100-150 dirays ah kuwaas oo wada gaadhi doona dhamaan garsoorayaasha Somaliland ee ku kala sugan gobolada dalka.?
Sidoo kale Cumar oo wakiil ka ahaa muwaadiniinta reer Somaliland ee qalabkan soo gaadhsiiyey wasaarada dhaqanka,dhalinyarada iyo ciyaaraha ayaa sheegay inay muwaadiniintani goob joog ka ahaayeen ciyaarihii hore ee gobolada kuwaas oo arkayduruufaha ku gadaaman garsoorayaasha dhex dhexaadinayey ciyaaraha iyaga ooh ore u balan qaaday inay wax ka qaban doonaan baahiyaha garsoorka haday tahay dhinaca qalabka iyo dhinaca aqoonta.
Ugu danbayntii wasiirka dhalinyarada,dhaqanka iyo ciyaaraha Somaliland Cali Siciid Raygal oo ka hadlay qalabkan loogu tala galay garsoorayaasha Somaliland ayaa sheegay inay tahay deeqdiii ugu balaadhnayd ee la soo gaadhsiiyo garsoorayasha Somaliland,waxaanu tilmaamay inay wax badan ka tari doonta baahiyaha garsoorayaasha ? waxaanu mahad naqayaa una soo dhawaynayaa muwaadiniinta Somaliland ee alaabtan na soo gaadhsiiyey, taariikhdana way noo gali doonaan cid kasta oo wax tarta wasaarada dhalinyarada iyo ciyaaraha waayo waxaynu u shaqaynaynaa waa dhalinyaradeena,waana markii ugu horaysay ee alaab intaa leeg la soo gaadhsiiyo wasaarada dhaqanka,ciyaaraha iyo dhalinyarada waxaanay ku soo beegantay wakhti aad loogu baahan yahay oo ay soo dhaw yihiin ciyaaraha gobolada ee dalku.?ayuu yidhi wasiirka dhalinyarada dhaqanka iyo ciyaaruhu.
Cabdirisaaq Good Nuur
Hadhwanaagnews/Office
Hargeysa/Somaliland
Goud423@gmail.com