Qeybo badan oo kamid ah Dadweynihii Taageerayaasha Murashaxiinta Ururada iyo Xisbiyada ku tartamey Doorashadaasi ayaa habeenkii sadexaad xaley ku bariistey Kadinka hore ee Komishanka Doorashooyinka Gabiley, kadib markii ay daahdey ku dhawaaqista Natiijadu, Waxaana saaka subaxdii hore isa soo hor tubey Xarunta Komishanka Gabiley

oo ah Guri u kireysan oo kuyaala cidhifka Koonfureed ee Magaalada Gabiley dadweyne aad uga tira badan kii maalmahan u dambeeyay kulaalayay Komishanka kuwaas oo filayay in Saaka lagu dhawaaqo natiijadii rasmiga aheyd ee ku fool raagtey maalmahan haseyeeshee, ilaa iyo hada taasi ma dhicin maadaama aanay Xubnaha Komishanka Gabiley si rasmi ah ugu dhawaaqin Natiijadii, wararka doc wadka ah ee ay dadwweynuhu isla dhex marayaana waxa ay sheegayaan in kama dambeysta ay caawa si rasmi ah ugu dhawaaqi doonaan halka ay kuwa kalena ka sheegayaan in natiijadii loo qaadey Dhinaca Komishanka Guud ee Qaranka, oo halkaasi lagaga dhawaaqayo inkastoo aan la xaqiijin karin in arintaasi dhab tahey iyadoo Gudoomiyaha Guud ee Komishanka Guud ee Doorashooyinku hore u Sheegay in Degmo kasta iyo Magaalo kasta isla goobtaa lagaga dhawaaqi doono.

Sikastaba ha ahaatee, waxa Magaalada Gabiley Gudaheeda, hadalada dadweynaha Taageerayaasha Murashaxiintu isla dhex wareegayaan Saluug badan oo ay Reer Gabiley siweyn uga biyo diidasan yihiin Dib udhaca Natiijada taas, oo jawi kale ka abuurtey doorashada Deyrtan maadaama Waayadii hore lagu dhawaaqi jirey marka ay dhamaadaan tirinta hubinta Sanaaduuqda Codbixinta ee Komishanka Degmadu, inkastoo aanay jirin habayraatee saansaan dhinaca amaan daro ah oo ka dhashey dib u dhaca Natiijadu.

Hadhwanaagnews Office Gabiley