Si kastaba ha ahaatee, Masuuliyiinta ugu Sarreeya urur-siyaasadeedka XAQSOOR, ayaa xukuumadda iyo xisbiga talada haya ku eedeeyey inay ku shubteen, isla markaana musuqmaasuqeen doorashada golayaasha degaanka, gaar ahaan degaannada bariga iyo galbeedka fog ee dalka Somaliland.

Masuuliyiinta XAQSOOR oo dhawaanjaraa?id ku qabtay xuruntooda magaalo madaxda Jamhuuriyadda Somaliland ee Hargeysa, waxay si cad uga dhawaajiyeen in Guddida Doorashooyinka Qaranku ku shubashada iyo musuqa la socdeen, lana ogaayeen xukuumadda, iyagoo soo jeediyey baaq culus oo ay ugu horreeyso in dib-u-eegis lagu sameeyo degaannada ururkoodu saluuga ka muujiyey, dibna loo saxo wixii ka khaldamay.

Guddoomiyaha XAQSOOR Md. Xasan Ciise Jaamac oo arrimahan ka hadlaya ayaa yidhi

?Waxaannu shirkan jaraa?id u qabanay inaannu ka hadalno qodobo muhiima oo aannu ka warwarsanahay inay dhibaato u geystaan midnimada iyo nabadgelyada waddanka oo ka soo baxay doorashooyinkan golayaasha degaanka ee iminka dhacay oo u badan dhinaca bariga iyo dhinaca galbeedka, meelo badan oo dhexda ahina ay ku jiraan.

Waxa ay wakiilladayadii gobolladu noo soo sheegeen in musuqmaasuq farabadan iyo ku shubasho aan xad lahayni ay ka dhaceen doorashooyinkan, kuwaasoo ahaa qaar cad oo badheedha oo la cadayn karo. Waxa kale oo aannu shirkan jaraa?id u qabanay inaannu shacabka Somaliland u sheegno waxyaabaha jira, in xukuumadda waddanka aannu ku gubaabino inay saxdo wixii khaladaad ah ee dhacay ee iyadu ay masuuliyadeeda leedahay, Guddida Doorashooyinka Qarankana aannu ku gubaabino inay iyaguna saxaan wixii khaladaad ah ee hawshooda khuseeya,? ayuu yidhi Md. Xasan Ciise Jaamac.

Md. Xasan Ciise Jaamac, waxa uu Guddida Doorashada iyo xukuumadda u soo jeediyey inay sida ugu dhakhsaha badan u saxaan khaladaadka iyo isdaba marinta ay sheegeen in lagu sameeyey doorashada golaha degaanka ee dalka ka qabsoontay, waxaannu yidhi isagoo arrintaas ka hadlayey; ?Waxa aannu aaminsanahay inaynu wali wakhti haysano aynu khaladaadkaas ku saxno, haddii la danaynayo nabadgelyada iyo midnimada waddanka, dalalka kale ee doorashooyinku khaldamaan doorashooyinka oo dhan baa lagu celiyaa oo la mamnuucaa, haddii la is yidhaa khaladaad weyn baa dhacay amma gobollada khaladaadku ka dhaceen baa la qiraa oo iyaga gobol gobol amma degmooyin loogu celiyaa.

Waxa aannu ku guubaabinaynaa xukuumadda iyo Komishanka Doorashooyinkaba in wixii khalad ah ee la caddayn karo ay qiraan oo si kalsooniya oo daacadnimo ah ay ugu dhiiradaan inay saxaan wixii khaladaad ah ee la caddeeyo, geesinimada koowaad weeyaan wixii khalad ah ee jira in la qiro, waana geesinimo in la saxo.?

Waxa kale oo isaguna halkaas ka hadlay Mr. Maxamed Ibraahim Qabo oo ka mid ah masuuliyiinta XAQSOOR, kaasoo si gaar ah u faahfaahiyey khaladaad uu sheegay in lagu arkay degaannada bariga oo uu sheegay inay kormeer ahaan ku joogeen, waxaannu yidhi; ?Waxa wax aad iyo aad looga naxo ah Gobolka Sool waxa ka dhacay laba nooc baynu u kala saarayna, mida ugu muhiimsan waxaynu u sibir saarayna kushubashadan dhacday Koomishanka Qaranka, sababtoo ah waxay go?aansadeen in aan lagu gelin kaadhkii diiwaangelinta oo ka hortagi lahaa in dadku laba jeer codeeyaan, haddii kaasi meesha ka baxay waxay ahayd in khad adag oo aan go?ay dadka farta loo daro, laakiin waxaad mooda in arrintaasi ahayd hawlgal loogu talagalay oo khadka la keenay waxa uu ahaa mid aad u fudud oo wax yar baa biinaayey, ta kale Gobolka Sool afar degmuu ka kooban yahay laba kamay dhacayn, labana way ka dhacaayeen Xudun waxaannu isla garanay in lagu galo doorashada qaab is xambaar ah, laakiin 29 sanduuqba la dhigo meesha, waxa dhacday subaxnimadiiba in shanta sanduuq ee yeelay degaanka Bohol lixdii subaxnimo la qaado 23 barigana ilaa sagaalkii subaxnimo waa la sugaayey, waxooga yar oo rabshad ah ayaa xagga shishe ee ciidanka qaranka ka dhacay, laga soo bilaabo tobankii ilaa lixdii galabnimana nabadbay ahayd, garan maynana waxa loo kansalay 23 sanduuq ee Xudun, iyadoo hore annagoo 23 xildhibaan liiskoodii iyo lacagtoodii Koomishanka u gudbinay, balse nalagu qasbay inaannu is xambaar yeelno, taas waannu yeelnay, laakiin tan labaad in shantii kursi ee Bohol la sameeyo 23 bariga ee Xaqsoor u badnaa la kansalo ka yeeli mayno, laba mid bay noqonaysa in la wada kansal gareeyo iyo in qaab ka duwan qaabka uu xalay ka sheegaayey telefishanka guddoomiyaha koomishanku ee uu lahaa shantaas goobood ba lagu soo baxaya oo xambaaraya siddeeda kursi ee kale ee Xudun, taasi caqli gal noqon mayso, caddaaladna maaha, wax ummaddu yeelaysana maaha.

Degmada Laascaanood la yidha rag badan baannu kaga hawlgalnay, ma garanayno waxa ka dhacay, maalmihii u dambeeyey Guddoomiyihii Gobolka ee xisbiga KULMIYE oo ah nin gobolkaas aad ugu culus ayaa maalmihii ugu dambeeyey nagu soo biiray oo is casilay, haddana miyaannu dhegaysanaa Gobolka Sool waxa ugu sarreeya KULMIYE, waa wax aan la aqbalayn, waana in Komishanka Doorashooyinku dib u eegis ku sameeyaan waxa ka dhacay gobollada bari.?

Waxa kale oo isna shirkaas jaraa?id ka hadlay Guddoomiyaha Ololaha urur-siyaasadeedka XAQSOOR Keyse Yuusuf, waxaannu sheegay in muraaqibiintoodii u sheegeen in si gaar ah loogu shubtay 99 sanduuq oo loogu tallogalay degaannada bariga, isagoo sidoo kale madaxweyne-ku-xigeenka ku eedeeyey inuu si gaar ah ugu tagri falay sanaaduuqdii degmooyinka Lughaya iyo Saylac oo ka tirsan gobolka Awdal.