Hargeysa (HWN) Wasiirka Wasaaradda Waxbarashadda Iyo Tacliinta sare ee Somaliland Marwo Samsam Cabdi Aadan ayaa lacago markii ugu horeysay guddoonsiisay dadkii talax gabay ee Wasaaraddaasi ka soo shaqaynayay mudada dheer.
Lacagtan oo uu cadadkeedu dhamaa 60,000 oo dollar ayaa waxa ay guddoonsiisay macalimiintii hawl gabka ahaa.
Sidoo kale macalimiintan oo muddo ku dhaw nus qarni waxbarashadda ku soo gudo jiray ayaa la
guddoonsiiyay shahaado sharafyo
Munaasibad lagu guddoonsiinayay lacagtan oo ka dhacday Xarunta Waxbarashadda ee Gobolka, waxaanay wasiirka Wasaaradda waxbarashadda iyo tacliinta Sare ee Somaliland Marwo Samsam Cabdi Aadan ay xustay in lacagtan ay soo gaadhsiiyeen Midawga Yurub.
Waxa ay wax lagu farxo ku tilmaantay in tan iyo intii ay Somaliland jirtay lacago intan le?eg la guddoonsiiyo Macalimiintii hawlgabka ahaa.
Dhinaca kale qaar ka mid ah macalimiintii hawlgabka ahaa oo iyaguna halkaasi ka hadlay ayaa talaabaddan ku tilmaamay mid ay abaal wayn ugu hayaan Wasiirka wasaaradda waxbarashadda iyo tacliinta sare.
Wasiirka Wasaaradda Shaqadda iyo arrimaha bulshadda Somaliland Maxamuud Axmed Barre Garaad ayaa isna talaabadda Wasaaradda Waxbarashadu ay qaaday ku tilmaamay mid guul u ah qarankan.
Hadhwanaagnews/Office
Hargeysa/Somaliland
Contact@hadhwanaagnews.com