Hargeysa(HWN)-Shirkada Maxjarka Xoolaha Gnacsadaha Carbeed ee Saleebaan Alljaabri ayaa markii u horeysay ka alifeysa Inta u Dhexeysa Duleedka Koonfureed ee Caasimada Hargeysa iyo Dowga Cad Xero Guul Balaadhan oo ay ugu tala galeen in lagu Nasiyo Xoolaha kasoo hayaama Deegaanada fog ee ku soo Aadan Seylada Weyn ee iibka Xoolaha Hargeysa, halkaas oo marka dambe Shirkadu uga gudbiso Maxjarka Weyn ee Berbera.
Masuuliyiin ka gaabsadey in la Xuso oo katirsan Howlwadeenada Shirkada dhoofinta Ganacasiga Xoolaha Somaliland ee Alljaabiri oo hadhwanaagnews uga waramay Xeradan ay Shirkada
alljaabiri ka dhiseyso goob lagu nasinayo Xoolaha Deegaanadan ayaa Sheegay in markii dhinac walba ay ka eegeen in ay goobtani lagama maarmaan u tahey in Xoolaha lagu nasiyo maadaama ay kasoo hayaamaan Deegaano aad u fog fog oo inta badan ay kaga soo gudbaan socdaal dheer oo diif ku reebaya sidaa daraadeedna ay Shirkada Ganacsadaha Carbeed ee Alljaabiri Go,aansatey in qasab tahey in Deeganadaas laga Sameeyo Xero Guul ay Xoolahaasi Ku Nastaan.
"Hadaabu nahey dadka Deegaanakan u dhexeeya Hargeysa iyo Dowga cad waxaanu leenahay waanu soo dhaweyneynaa in Shirkada Maxjarka Alljaabiri ka sameystaan halkan Meel ama Xero Weyn oo lagu nasinayo Xoolaha waa arin aad u fiican oo u fiican Caafimaadka Xoolaha oo neefku ka doogsanayo hayaankii dheeraa waanu soo dhaweyneyaa oo Waxaanu leenahay ha ka sameysteen waa Hurumar soo kordhaya dadka Deegaanka, dadka Xoolaha leh kuwa iibsanaya iyo dalka iyo dadkaba"Sidaa Waxa yidhi Cabdi Gurxan oo kamid ah dadka Deegaankaasi oo Hadhwanaagnews uga waramay aragtidooda ku wajahan Xero Guusha laga Sameynayo inta u dhexeysa Jidka Cusub ee Dowga Cad iyo Koonfurta Caasimada Hargeysa ama Koonfurta Madaarka Caalamaiga ah ee Caasimada Hargeysa.
Shirkada Maxjarka Xanaaneynta Xoolaha ee Ganacsadaha Carbeed Saleebaan Alljaabiri ayaa wax weyn kusoo Kordhisay Somaliland tan iyo intii ay Gudaha dalka ka bilaabeen dhoofka Xoolaha ishinka ah iyo Wanka Gorada Madow oo ay u dhoofiyaan dalka Sucuudi Carabiya oo Gacasadaha Alljaabiri kasoo Jeedo.
Hadhwanaagnews