Isuduwaha W/Qorsheynta Ee G/Awdal Oo Beeniyay Warar Ay Joornaalada Qoreen.

---

(Hadhwanaagnews) Sunday, February 03, 2013
Awdal-(HWN)- Aniga oo ah Isuduwaha W/Qorshaynta ee G/Awdal waxaan halkan ka beeninayaa war ku soo baxay wargayska

Awdal-(HWN)- Aniga oo ah Isuduwaha W/Qorshaynta ee G/Awdal waxaan halkan ka beeninayaa  war ku soo baxay wargayska Saxafi cadadkiisii 731 oo ku taariikhaysnaa  01/02/2013, kaasi oo sheegayay in baabuurta loo kireeyay hawsha Sahanka ee ay waday W/Qorshaynta gaar haan G/Awdal ay kala leeyihiin agaasimayaal heer qaran ah iyo kuwo heer gobol ah iyo waliba baabuurtii kale ee dawlada, waxaanan cadaynayaa in warkaasi yahay mid la been abuuray oo aanan waxba ka jirin, waxa intan ka sii dar in Wargaysku aanu cadayn  cida leh baabuurtaasi, balse waxa uu ku gaabsaday in qaar ka mid ah baabuur leyda Land

Hadaba aniga oo ah masuulka ay hoos imanayso hawshaasi, gaar ahaan mida G/Awdal, waxaan halkan ku cadaynayaa mar labaad inaan warkaasi waxba ka jirin , oo uu yahay mid la been abuuray oo cida warkan qortay ay u badheedhay.

Hadalkani waa mid meel ka dhac ku ah masuuliyiinta dawlada, madaxda heer gobo lee dawlada, waxa kale oo ay meel ka dhac ku tahay saxaafada horta ah ee Somaliland.

Baabuurta ka hawl galaysa hawshani waa shan baabuur oo ay leeyihiin muwaadiniin caadi ah, oo ay fududahay in magacyadooda la sheego hadii loo baahdo.

Arintani waa mid u baahan in laga daba tago, hadii ay tahay madaxda ay sheegeen iyo milkiilayaasha baabuurta ay sheegeen.

Wargayska Saxafi waxa looga fadhiyaa in uu kala cadeeyo cidda uu warkaasi  ka helay dadban, agaasimayaasha uu sheegay inay leeyihiin baabuurta iyo wasaardaha iska leh baabuurta uu sheegay inay yihiin kuwo dawladeed.

Wariye

Cabdifataax Axmed

Xafiiska Shabakada HWN

Boorama